Posted by: lrrp | October 24, 2011

ඇයි මල්ලියේ මට ලේ නොදුන්නේ?

පුද්ගලයකු තවත් පුද්ගලයකු කෙරෙහි බද්ධ වෛරයෙන් යුතුව ජීවත් වේ ද ඔහුගේ මරණාසන්න අවස්ථාවේ ඒ වෛරී සිතුවිල්ල උපාදාන වී චුති චිත්තයවශයෙන් මරණාසන්න අවස්ථාවේ දී ක්‍රියාත්මක වූයේ නම් හේ එම වෛරයෙන් ම දුගතිගාමී වී පුනර්භවය ලබයි. ඒ පළිගැනීමේ චේතනාවෙන් අවුරුදු දහස් ගණන්, දස දහස් ගණන් සසරේ දුක් විඳිමින් සැරිසරති. එසේ වෛරයට පාත්‍ර වූ පුද්ගලයා ආධ්‍යාත්මිය වශයෙන් ශක්තිමත් වූයේ ද පළි ගැනීම සඳහා පසු පසින් එන දුගතිගාමියා සිය පරමාර්ථය ඉටු කැර ගත නොහැකිව වෛරී ගින්නෙන් දැවි දැවී තව තවත් දුක් විඳී.

එවැනි දුගතිගාමී වෛරී භූතාත්ම මන්ත්‍ර විද්‍යාවන් මඟින් අල්ලා බෝතල්වල දමා සිර කොට කොන්ක්‍රීට් බදාම අහුරා මුහුදේ දමන බව යකැදුරෝ පවසති. එය ද මහා පාපයකි. එය එසේ කළ හැකි වුවද නොහැකි වුව ද එම චේතනාව පවා මහා පාපයකි. එවැනි භූතාත්මවල ඉපැදී සිටින්නේ ද අප සමඟ ජීවත් වූ ඥාතින් හෝ සංසාර ගත ඥාතින් බව සිහි කටයුතුය. එවැනි දුගති ගාමී භූතාත්ම පිනට දහමට යොමු කොට, පෙර කුසල් මතු කොට සුගතිගාමී කිරීම මහත් වූ කුසලයකි.

අගනුවරට සමීප නාගරික ප්‍රදේශයක පදිංචි ඇය ලාලනී නම් වූවාය. වයසින් තිස් අට හැවිරිදි වූවාය. ඇයට බඩේ රුජාවක් වැලඳී මහත් වේදනාවකින් පෙළුණා ය. ඉංගී‍්‍රසි සිංහල ප්‍රතිකාර ගත් නමුත් සුවයක් නොලැබුවා ය. වෛද්‍යවරුන්ගේ නියමය පරිදි විශේෂ රෝග පරීක්ෂාවලට ලක් වුවද ඇයට රෝගාබාධයක් ඇතැයි වාර්තා නොවී ය.

ලාලනීට කිසිදු කායික රෝගාබාධයක් නැතැයි වෛද්‍ය පරීක්ෂණවලින් අනාවරණය වීම නිසා මනෝ වෛද්‍ය ප්‍රතිකාර සඳහා යොමු වූවාය. මාස ගණනක් එයින් ද ප්‍රතිකාර ගත් නමුත් එයින් ද සුවයක් නොලැබීම නිසා ආධ්‍යාත්මිය ප්‍රතිකාර සඳහා යොමු වූවාය.

එහි දී බුද්ධ වන්දනාවට යොමු කළ විට ලාලනී අඬන්නට වූවාය. වෙව්ලන්නට වූවාය. ඇයට මළගිය කෙනෙකුගේ භූතාත්මයක බලපෑමක් ක්‍රියාත්මක වන බවත්, එය බෞද්ධ පිළිවෙත්වලට අකැමැති බවත් පැහැදිලි විය.

“කව්ද මේ ශරීරයට රිංගා ගෙන ඉන්නෙ?”

“මම මාලනී”

“මාලනි කියන්නේ කවුද?”

“මම ලාලනීගේ මහත්තයාගෙ අක්කා.”

“ඉතින් ඇයි මේ ලාලනීගේ ඇඟට රිංගා ගත්තේ”

“ඒ මගේ මල්ලිගෙන් පළිගන්න”

“ඇයි මල්ලි මොන වරදක් කළාට ද පළිගන්නෙ?”

“ඒක දිග කතාවක්”

“කමක් නෑ කියන්න බලන්න”

මාලනීගේ භූතාත්මය ලාලනීට ආවිශ්ට වී මේ කියන්න යන්නේ කුමක් දැයි ලාලනීගේ ස්වාමි පුරුෂයා වූ අජන්ත ද පුදුමයෙන් බලා සිටියේ ය. යළිත් ලාලනී තුළින් මාලනීගේ භූතාත්මය කතා කරන්නට වූවාය.

“මහත්තයා! මම මැරුණේ පිළිකා රෝගයෙන්. අවුරුදු ගණනාවක් දුක් වින්දා. අපේ අම්මටයි තාත්තටයි දරුවන්ට හිටියේ මල්ලියි මමයි විතරයි. අම්මයි තාත්තයි දෙන්නා මැරුණට පස්සේ මල්ලිගේ ඉගෙනීම් කටයුතුත් කළේ මම. මම මල්ලිට හරිම ආදරෙන් කටයුතු කළා. මල්ලිගේ සියලු ම වැඩ කටයුතු කර දුන්නේ මම යි.

මම ඒ තරමට ම ආදරෙන් තමයි මල්ලිව උස් මහත් කළේ. මේ වගකීම් නිසා මට විවාහයක් කරගන්න ලැබුණෙත් නෑ. මල්ලිට රස්සාව ලැබිලා වැඩි කාලයක් ගත වුණේ නෑ. එයා මාලනීව කසාද බැඳලා ගෙදරට එක්ක ගෙන ආවා. මල්ලිට රස්සාව ලැබුණු හැටියේ කසාද බඳින්න හදිස්සි වුණා. මට විවාහයක් කර දෙන්න ඕනැයි කියන හැඟීම මල්ලි තුළ තිබුණේ නෑ.

මොනවා කරන්න ද මමත් පරාජය බාර අරගෙන ඉවසා ගෙන හිටියා. අන්තිමේ ඒ ජෝඩුව රස්සාවලට ගිහින් එන කොට මම මගේ ම ගෙදර වැඩ කාරියක් වුණා. ඒත් මල්ලිට තියෙන ආදරේ නිසා මම සියල්ල ඉවසා ගෙන හැම දෙයක් ම කළා.”

“මේ අතරේ තමයි මම අසනීප වුණේ. කොයි තරම් ප්‍රතිකාර ගත්තත් සනීප වුණේ නෑ. අන්තිමේ තමයි දැන ගත්තේ මට පිළිකාවක් හැදිලා බව. ඊට පස්සෙ මාව මහරගම පිළිකා රෝහලට ගිහින් දැම්මා. ඒ වන විට මම හොඳට ම දුර්වල වෙලයි හිටියේ. වෛද්‍යවරු කීවා ලෙඩාට හොඳට ම අමාරුයි. තව ටික දවසක් හරි ජීවත් කරවන්න නම් ලේ දෙන්න ඕනෑ ය කියා. මට උවමනා වුණේ ‘ඕ’ පොසිටිව් වර්ගයේ ලේ. මම දැනගෙන හිටියා මගේ මල්ලි ගේ ඇඟේ තියෙන ලේ වර්ගයත් ‘ඕ’ පොසිටිව් බව. සමහරු කීවා දැන් ලෙඩාට අන්තිමයි. ලේ දෙන එකේ තේරුමක් නෑ කියලත්.”

“ඒත් මම තව ටික දවසක් හරි ජීවත් වෙන්න ආසාවෙන් හිටියේ. මම මෙච්චර ආදරෙන් හදා වඩා ගත්ත මගේ මල්ලි අජන්ත මට ලේ දේවි ය කියා මම විශ්වාස කළා. ඒත් මල්ලි මට ලේ දුන්නෙ නෑ. මගේ පණ යන මොහොතෙත් මල්ලි මාව බලන්න ඇවිත් හිටියා. මම හිටියෙ හරිම දුකෙන් වගේ ම තරහකින්. ඒත් අන්තිමේ මම මල්ලිගෙන් ඇහුවා ‘ඇයි බුදු මල්ලියේ මට ලේ දුන්නේ නැත්තෙ?’ කියා. ඒ එක්ක ම වගේ මගේ අන්තිම හුස්ම ටික පිටවුණා.”

ලාලනීට ආවිශ්ට ව සිටි භූතාත්මය කෝපයෙන් කෑගසන්නටත් දත් සපන්නටත් වූවාය.

“මම තෝ වෙනුවෙන් මගේ මුළු ජීවිතේ ම කැප කළා. තෝ සහෝදරයෙක් නෙමෙයි.” කියමින් කෝපයෙන් කතා කරන්නට වූවාය. “හරි හරි ඉතින් කතාවෙ ඉතුරු ටිකත් කියන්න කෝ” යි භූතාත්මයට නියම කැරිණි.

“ඉතින් වෙන මොකුත් නැහැ. මම මළා. මම මුගෙන් පළිගන්නවා. මට ලේ ටිකක් දුන්නා නම් මම තවත් ටික දවසක් හරි ජීවත් වෙනවා. මම මළේ මූ ලේ ටිකක් නොදුන් නිසයි. මම මූවත් මරා ගෙන අරන් යනවා. පළි ගන්නවා.”

“එහෙම කියලා හරියන්නේ නෑ. මේ ශරීරය අතහැරලා යන්න ඕනෑ.”

“බෑ බෑ මම යන්නෙ නෑ. පළි අරගෙන මිසක්. යන්නේ නෑ” යි කියමින් භූතාත්මය ලාලනීගේ ශරීරයෙන් ඉවත්ව ගියාය.

“මේ භූතාත්මය තදබල වෛරයකින් ඉන්නේ. ඒ වගේ ම ලේ උරුමක්කාරියක්. ඒ නිසා දින විසි එකක් බෝධි පූජා පවත්වා එන්නැ” යි ලාලනීටත් අජන්තටත් උපදෙස් ලැබුණි.

බෝධි පූජා දින විසි එකෙන් පසුව දෙදෙනා යළිත් ප්‍රතිකාර කළ ස්ථානයට පැමිණියහ. ලාලනී නැවතත් ප්‍රලය වූවාය. “මාලිනී දැන් කොහොම ද? මේ ශරීරයෙන් ඉවත් වෙලා හොඳ තැනකට යන්න.”

“ඒ කොහොමද මම හොඳ තැනකට යන්නෙ?”

“අපි මේ අයට කියලා දානයක් දීලා පින් අනුමෝදන් කරවන්නම්”

“බැහැ. බැහැ. ඊට කලින් මට කරවල බැදුමක් කන්න ආසයි.”

“දුප්පත් මහලු කාන්තාවන් සත් දෙනකුට කරවල බැදුම් සහිතව බත් පාර්සල් හතක් පිරිනමා නැවත බෝධි පූජා තුනක් පවත්වා පැමිණෙන ලෙස නියම කැරිණ.

නියම කළ පරිදි කරවල බැදුම් සහිතව ආහාර පරිත්‍යාග කොට, බෝධි පූජාවෙන් පසු පින් අනුමෝදන් කළ අජන්ත ලාලනී සමඟ නැවත පැමිණියහ.

“කොහොමද කරවල බැදුම් ලැබුණා ද?”

“ඔව්! ඔව්! ඒ ඔක්කොම හරි”

“එහෙනම් දැන් මේ ශරීරයෙන් ඉවත් වෙලා හොඳ තැනකට යන්න.”

“එහෙම යන්න බෑ”

“ඇයි මේ තරම් හිතුවක්කාර”

“හිතුවක්කාර නොවෙයි. මට පොරොන්දුවක් වෙන්න ඕනෑ.”

“මොකක්ද පොරොන්දුව?”

“මූ බීලා ඇවිත් හැමදාම මේ ලාලනී නංගිට ගහනවා. මම බලාගෙන ඊයෙ හැන්දෑවෙත් බෝධි පූජාව තියලා නංගි ගෙදර ආපු හටියෙ මූ රංඩු කළා. නංගිට ගැහුවා. කළගුණ නොදත් බල්ලා. මට ලේ ටිකක් දුන්නේ නෑ. ඒ වේදනාවෙන් තමයි මම මළේ. මගේ බඩේ තමයි පිළිකාව තිබුණේ. ඒ වේදනාව තමයි ලාලනී නංගිට හැදුණේ.

මම බොරැල්ලෙ බස් ස්ටෑන්ඩ් එකේ බෝධියට යන්නම්. එතන දවස් විසි එකක් බලා ගෙන ඉන්නවා. මූ දැන් දිව්රලා පොරොන්දු වෙන්න ඕනැ අදින් පස්සෙ බොන්නෙ නෑ කියලා. මූ මත්පැනින් වැළකී, ගෙදර රණ්ඩු නොකර හොඳ මිනිහෙක් වුණොත් ඒ දින විසි එකෙන් පසුව අනුරාධපුරයේ ශ්‍රී මහා බෝධීන් වහන්සේ ළඟට යනවා නැත්නම් ආයිත් එනවා” යි භූතාත්මය කීවාය.

අදින් පසු මත්පැන් පානය නොකරන බවට අජන්ත දිව්රා පොරොන්දු වූයේය. එයින් පසු ලාලනීගේ උදරයේ වේදනාව සුවපත් විය.

මරණාසන්න අවස්ථාවේ ඇතිවන චුති චිත්තයේ ප්‍රබලතාව මෙයින් මොනවට පැහැදිලි වේ.


Responses

  1. Indrajith uthumaneni you are the only person who update my mind in real Budisom .me kalawoo kusalaye balayen ,obatath niveeme doratu wiwarawewa! I am sugeeshwara wijesundara from Anuradhapura.

  2. You are the grate person if you come to anuradhapura wormly welcome


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: