Posted by: lrrp | July 2, 2013

ජයෙන් ජය ලබන්නට සිරි සම්බෝධි පිරිත මෙන්න

එකල අපේ සිරිලක රජකළ දේවානම් පියතිස්‌ස රාජ්‍ය සමයේ අනුබුදු මිහිඳු මාහිමියන් ප්‍රමුඛ පිරිස සිරිලකට සම්ප්‍රාප්ත වූයේ පෙසොන් පුර පසළොස්‌වක්‌ පෝ දිනකය. එකල දඹදිව රාජ්‍ය කළ අශෝකාධිරාජයාණන් හා දෙවන පෑතිස්‌ රජතුමන් අතර පැවැති දිගුකාලීන මිත්‍රත්වයේ ප්‍රතිඵලයක්‌ වශයෙන් අති අතුම් ශ්‍රී සද්ධර්මය සිරිලක්‌වාසී අපට ප්‍රදානය කිරීමේ කාර්යය අතිශයින්ම ඓතිහාසිකය. ශ්‍රේෂ්ඨය, සදානුස්‌මරණීයය, ආද ර්ශවත්ය. මෙය මිත්‍ර සබඳතාවේ සදහම් සංකේතයයි.

තම පුත්‍ර මහේන්ද්‍රයන් පැදි කර තවත් භික්‍ෂූන් වහන්සේලා පිරිසක්‌ හා සාමනේර භික්‍ෂූන් වහන්සේ කෙනකු හා උපාසකයකු ඇතුළු පිරිසක්‌ ලංකාවට ඒවා බුද්ධ, ධම්ම යන දෙරත්නයට අමතරව එතෙක්‌ අප සතුව නොතිබුණු සංඝරත්නය අපට උරුම කර දුන්හ. ඊට පසු සිරිලක උපන් මෙහිම හැදී වැඩුණු කුල කුමරුන් පුබුදු කරවා සසුනට ඇතුළත් කොට ඔවුන්ගේ මාර්ගයෙන් බුදු සසුන දීප ව්‍යාප්ත කිරීමටත් ඒ අයුරින් දේශීය සංස්‌කෘතිය නව මඟකට යොමු කිරීමටත් ආර්ථික, දේශපාලන සමාජ විපර්යාසයක්‌ සිදු කිරීමටත් අවස්‌ථාව එළඹුණි. එයින් සෑම සිතුවිල්ලක්‌, ක්‍රියාදාමයක්‌ නිර්මාණයන් තුළට බෞද්ධකම නිරතුරුවම සංකලනයවී ඒ රටාව එදා සිට අද දක්‌වාම සිරිලක දස දෙස දර්ශනය වේ.

මෙම මිහිඳු මහ රහතන් වහන්සේ සිරිලකට වැඩමවා බුදුසසුන පිහිටුවා අපේ සිsරි ලංකා පුරය පහන් කළ පොසොන් පසළොස්‌වක පෝය දිනය මෙදින බෝධි පූජාවන් පැවැත්වීම එදා සිටම අද දක්‌වා බෞද්ධ අපට හුරු පුරුදු දෙයක්‌ වන අතර අන් ආගමිකයන්ද දැඩි උනන්දුවකින් කරන්නේ බුදුන් වහන්සේ අනුදැන වදාළ නිසාය. එබැවින් බෝධි පූජාව හොඳම ශාන්තිකර්මයක්‌ ලෙසද හැඳින්වේ. ධර්මයෙහි පිහිටා දෙවියන්ට පින් පෙත් අනුමෝදන් කිරීම බෝධි පූජාවක මූලික පරමාර්ථය වේ. මේ නිසා බෝධි වෘක්‍ෂයට කරනු ලබන පූජාව බෝධි පූජාව වේ.

තවද බෝධිය යනු ඒ සර්වඥතාඥනය වන අතර එය ලබා ගැනීමට පිටදුන් වෘක්‍ෂය බෝධිවෘක්‍ෂයද වේ. සියලු බුදුවරුන් යම්කිසි වෘක්‍ෂයක්‌ යටදී මේ සර්වඥතාඥනය ලබාගෙන තිබේ. බුදුවරයකු ලෝ පහළවුණු විගසම එම වෘක්‍ෂයේ බෝධි මණ්‌ඩලයට අයත් ස්‌ථානයේ එදිනම පහළ වේ. අප ගෞතම බුදුරජාණන් වහන්සේට අයත් ඇසතු බෝධියට පූජාවක්‌ පවත්වන අතර නියම බෝධි වෘක්‍ෂය අනුරාධපුර ශ්‍රී මහා බෝධියයි.

වංශකතාවල දැක්‌වෙන පරිදි ශ්‍රී මහා බෝධිය රෝපණය කර දින පහකින් අතු පසක්‌ පැන නැගී ඵලපහක්‌ පැන නැගුණු බව ප්‍රකාශිතයි. ඒ පලගත් ගෙඩි පහෙන් ගෙඩි අට බැගින් පැළ හතළිහක්‌ බලා සිටියදීම පැන නැගුණු බවද වැඩිදුරටත් සඳහන් වේ. මේ පැළ හතළිහම රජතුමා විසින් දඹුලුතොට, ථූපාරාමය, කතරගම, මහියංගනය, මුතියංගනය, පැපිලියාන, බෙල්ලන්විල ආදී ස්‌ථාන හතළිහක රෝපණය කරවූ බවද ප්‍රකාශිතයි. මේ ස්‌ථාන හතළිහ වංශ කතා කියවීමෙන් ඔබට දැනගත හැක. එනිසා ඔබ කුමන බෝධියකට හෝ බෝධි පූජාවන් කළත් එය ශ්‍රී මහා බෝධියට කරනු ලබන පූජාවක්‌ යෑයි හිතා පූජාව පැවැත්විය යුතුයි. සමහර ස්‌ථානවල බලවත් දේවතා ගෘහිත බෝධිද ඇත.

මේ නිසා ඔබටත් ඔබේ පවුලේ සැමටත් නව රුවන් පරදවන බුදුරදුන් ගුණ වැයෙන සිරි මහා සම්බෝධි පිරිත් අමිල අමරණීයව ගයන්න. නිවසේ කියවන්න. ඔබටත් පවුලේ සැමටත් ලොව්තුරු පැතුම් ඉටුවේ. තවද මෙම පිරිත අප මහා බෝසතාණන් නියත විවරණ ලැබූ දීපංකර සම්මා සම්බුදු රජුන්ගේ පටන් බුදු වරයන් වහන්සේලා පස්‌විසිනමක පස්‌ මරුන් පරදවා බුදුවූ තේජානු භාවය සත්‍ය ක්‍රියා පදනමක්‌ කොට බැඳුණු මහා බල සම්පන්න තත්ත්වයේ අප්‍රමිත අසීමිත අචිත්තනීය ශක්‌තියෙහි අනූනවූ පිරිතකි. එය මෙසේ නැකත අතිරේකයෙන් ඔබට පොසොන් උදාව නිමිත්තෙන් තිළිණ කරමි.

1. දීපංකරෝ ලෝක විදූ මුලේ පීප්ථලී බෝධියා පංච මාරේ පරාජෙත්වා පත්තෝ සම්බෝධි මුත්තමං ඒතේන සච්ච වඡ්ඡේන හෝතුමේ ජය මංගලං

02. කොණ්‌ඩඤaඤච්හය සම්බුද්ධෝ මුලම්හි සාල බෝධියා පංචමාරේ පරාජෙත්වා පත්තෝ සම්බෝධි මුත්තමං ඒතේන සච්ච වඡ්ඡේන හෝතු මේ ජය මංගලං

03. මංගලච්හය සම්බුද්ධෝ මුලම්හි නාග බෝධියා

04. සුමනච්හය සම්බුද්ධෝ මුලම්හි නාග බෝධියා

05. රේවතච්හය සම්බුද්ධෝ – මුලම්හි නාග බෝධියා

06. සෝභිතච්හය සම්බුද්ධෝ මුලම්හි නාග බෝධියා

07. අනෝමදස්‌සී සුගතෝ මුලේ අඡ්ජුන බෝධියා

08. පදුමෝ නාම සම්බුද්ධෝ මුලම්හි සෝන බෝධියා

09. නාරදොa නාම සම්බුද්ධෝ මුලම්හි සෝන බෝධියා

10. පදුමුත්තරෝ නාම ජිනෝ මුලම්හි සාල බෝධියා

11. සුමේධෝ නාම සම්බුද්ධෝ මුලම්හි නීප බෝධියා

12. සුජාතෝ නාම සම්බුද්ධෝ මුලම්හිවේලු බෝධියා

13. පියදස්‌සී නාම බුධෝ මුලේ කකුධ බෝධියා

14. අත්ථ දස්‌සී නාම ජිනෝ මුලේ චම්පක බෝධියා

15. ධම්ම දස්‌සී නාම ජිනෝ මුලේ කුරවක බෝධියා

16. සිද්ධත්ථො නාම ජිනෝ මුලේ කණිකාර බෝධියා

17. තිස්‌ස නාමෝ ලෝක ගරු මුලේ අසන බෝධියා

18. ථුස්‌සනාමෝ ලෝක විදූ මුලේ අමලක බෝධියා

19. විපස්‌සී නාම සුගතෝ මුලේ පාඨලී බෝධියා

20. සිනාමෝ ලෝක නාථෝ මුලේ සේතම්බ බෝධියා

21. වෙස්‌සභූ නාම සුගතෝ මුලම්හි සාල බොඩියා

22. කකුසන්දෝ ලෝක විදූ මුලේ සිරිස බෝධියා

23. කෝණාගමනෝ සුගතෝ මුලේ යඤ්ඤාංග බෝධියා

24. කස්‌සපෝ නාම සබ්බඤ්ඤා මුලේ නිග්‍රෝධ බෝධියා

25. ගෝතමෝ නාම සබ්බඤ්ඤා මුලේ අස්‌සත්ථි බෝධියා

පංච මාරේ පරාජෙත්වා – පත්තෝ සම්බෝධි මුත්තමං

එතෙන සච්ච වඡ්ඡේන – හෝතුමේ ජය මංගලම්

මේ පිරිත රෝගියකුට කියා ශාන්තිය සලසන්න නම් එතෙන සච්ච වඡ්ඡේන – සබ්බ රෝගෝ විනස්‌සන්තු කියාද පොදුවේ කියන විට “සොත්ථිතේ හොතු සබ්බදා” කියාද යොදා මේ ගාථා විසිපහම සඡ්ජායනා කරන්න. ඔබට බෝධිරාජසෙත සැලසේ.

අති භයානක බලවත් අමනුෂ්‍ය දෝෂයන් දුරුවීමට, කෘර සතුරු උපද්‍රව මගහරවා ගැනීමට, කිසිම තැනකදී පරාජය නොවන්ට, ගිය ගිය තැන අග්‍ර ජය ලබා ගැනීමට, දේව ආරක්‍ෂාව ලබාගැනීමට, නිවසේ, භූමියේ ව්‍යාපාරික ස්‌ථානයේ ඇති කොඩි වින කැපී පුපුරා භංගවෙන්ට, අංගම්, පිල්ලි, ඇස්‌වහ, කටවහ හෝ වහ දුරුවීමට, නිවසේ භූමියේ මළගිය ප්‍රේත දිෂ්ඨි හා විවිධ භූත බල පෑම් පලවා හැරීමට ඉතාම යෝග්‍ය බවත්, මෙම පිරිත තඹ පතක ලියා රන්තැඹිලි තෙල් තබා මේ පිරිතෙන් දාස්‌වරක්‌ ජපකර කර පැළඳීමෙන්ද නිවසේ රාමුකර තැබීමෙන්ද ඔබේ සියලු කාරණා සියල්ලටම අති ශ්‍රේෂ්ඨ පිරිතක්‌ බව සැලයි. සත්‍යයි.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: